ﺑﺤﺐ ﺑﺎﻟﺠﺪ
ﻭﻣﻦ ﻏﻴﺮ ﺣﺪ
ﺃﺣﺐ ﺑﺎﻟﺠﻤﻠﺔ ﻭﺍﻟﺘﻘﺴﻴﻂ
ﺃﺣﺐ ﺑﺎﻟﺪﻭﺭ ﺑﺪﻭﻥ ﻓﻄﻔﻴﻂ
ﺃﺣﺐ ﻣﻦ ﻛﺴﻼ ﻟﻲ ﻣﻠﻴﻂ
ﺃﺣﺐ ﻣﻦ ﺣﻠﻔﺎ ﻟﻲ ﺗﻮﺭﻳﺖ
ﺃﺣﺐ ﻣﻦ ﺩﻭﻥ ﻋﺬﺭ ﻭﺍﺳﺒﺎﺏ
ﻭﺍﺯﻳﺪ ﻛﻞ ﺛﺎﻧﻴﺔ ﻓﻲ ﺍﻻﺣﺒﺎﺏ
ﺃﺣﺐ ﺍﻟﺠﺎﻣﻌﺔ ﻭﺍﻟﻄﻼﺏ
ﺃﺣﺐ ﺍﻟﺜﺎﻧﻮﻱ ﻭﺍﻟﻜﺘﺎﺏ
ﺃﺣﺐ ﺍﻟﻮﺍﻟﻲ ﻭﺍﻻﺭﺑﺎﺏ
ﻭﺃﻣﻮﺕ ﻓﻲ ﻛﻮﺭﺓ ﺍﻟﺸﺮﺍﺏ
ﺃﻫﺎ ﻣﺎ ﻟﻜﻢ.. ﺷﻨﻮ ﻟﻴﻜﻢ؟
ﺑﺤﺐ ﺍﻟﻄﺎﻟﺒﺎﺕ ﻣﻦ ﺟﻢ
ﻭﺃﺷﻮﻓﻦ ﺯﻱ ﺑﻨﺎﺕ ﺍﻟﻌﻢ
ﻭﺃﺷﻮﻑ ﻓﻴﻬﻦ ﻇﺮﺍﻓﺔ ﺩﻡ
ﺗﺨﻠﻲ ﻫﻮﺍ ﺍﻟﺤﻴﺎﺓ ﺃﻧﻌﻢ
ﺗﺴﻮﻱ ﻋﻠﻰ ﺍﻟﺠﺮﺍﺡ ﺑﻠﺴﻢ
ﺗﺰﻳﺪ ﻓﺮﺡ ﺍﻟﻮﻃﻦ ﺍﻟﻬﻢ
ﺗﺨﻠﻲ ﺍﻟﺤﺎﻗﺪﻳﻦ ﺃﺭﺣﻢ
ﻭﺗﺨﻠﻲ ﺍﻟﺠﻴﻢ ﺛﺮﻱ ﺍﺑﻜﻢ
ﺃﻫﺎ ﻣﺎ ﻟﻜﻢ.. ﺷﻨﻮ ﻟﻴﻜﻢ..
ﺑﺤﺐ ﺃﻧﺎ ﻣﻴﺔ ﻓﻲ ﺍﻟﻤﻴﺔ
ﻛﻞ ﺗﻨﻬﻴﺪﺓ ﺳﻮﺩﺍﻧﻴﺔ
ﺣﺘﻰ ﺍﻟﻔﻮﻝ ﻣﻊ ﺍﻟﻄﻌﻤﻴﺔ
ﻫﻢ ﺍﻟﻌﻤﻠﻮ ﻟﻲ ﺷﺨﺼﻴﺔ
ﺃﺣﺐ ﻣﻴﺪﺍﻥ ﺍﺑﻮ ﺟﻨﺰﻳﺮ
ﻭﺃﻏﺎﻧﻲ ﺧﻀﺮ ﺑﺸﻴﺮ ﻭﺍﻟﺼﻴﺮ
ﺑﺤﺐ ﻋﺮﻣﺎﻥ ﻭﺳﻠﻔﺎﻛﻴﺮ
ﻭﻣﻨﻜﺮ ﻓﻲ ﺍﻟﻘﺒﻴﺮ.. ﻭﻧﻜﻴﺮ
ﺃﺣﺐ ﻋﻤﺮ ﺍﻟﺒﺸﻴﺮ ﻛﻤﺸﻴﺮ
ﻭﺃﺣﺐ ﺣﺴﻦ ﺍﻟﺘﺮﺍﺑﻲ ﻛﻐﻴﺮ
ﻭﻣﺤﻤﺪ ﺻﺎﻟﺤﻴﻦ ﻭﻏﺪﻳﺮ
ﻭﻋﻮﺽ ﺍﻟﺸﻜﺴﺒﻴﺮ ﻛﺨﻄﻴﺮ
ﻭﻃﻪ ﻋﻠﻰ ﺍﻟﺒﺸﻴﺮ ﻛﻜﺒﻴﺮ
ﺍﻡ ﺩﺭﻣﺎﻥ ﻭﺷﺎﺭﻉ ﻛﺮﺭﻱ
ﻭﺷﺎﻃﻲ ﺃﺑﺮﻭﻑ.. ﺳﺮﻳﺮ ﻓﻲ ﺳﺮﻳﺮ
ﺃﺣﺐ ﺍﻟﻌﺪﻝ ﻭ»ﺍﻟﺤﺮﻳﺔ«
ﻭﺍﻟﺠﺒﻬﺔ ﺍﻟﺪﻳﻤﻘﺮﺍﻃﻴﺔ
ﺑﺤﺐ ﻛﻞ ﺣﺎﺟﺔ ﺳﻮﺩﺍﻧﻴﺔ
ﺣﺘﻰ ﻟﻮ ﺍﻓﺘﺮﺿﻨﺎ »ﻏﺒﻴﺔ«
ﺑﺤﺐ ﺍﻟﺼﺎﺩﻕ ﺍﻟﻤﻬﺪﻱ
ﺣﻔﻴﺪ ﺍﻟﻘﺒﺔ ﻭﺍﻟﻤﻬﺪﻱ
ﺑﺮﻳﺪﻭ ﻭﻟﻴﻬﻮ ﻃﺎﻝ ﺳﻬﺪﻱ
ﻭﺿﺎﻉ ﺻﺒﺮﻱ ﻭﻛﻤﻞ ﺟﻬﺪﻱ
ﺃﻫﺎ ﻣﺎﻟﻜﻢ.. ﺷﻨﻮ ﻟﻴﻜﻢ
ﺃﺣﺐ ﺗﺎﺭﻳﺨﻨﺎ ﺃﺏ ﺿﺠﺔ
ﻭﺃﺭﻳﺪ ﺍﻟﻤﻬﺪﻱ ﻭﺃﺑﻘﺮﺟﺔ
ﺃﺣﺐ ﺍﻟﻌﻮﺩ ﻭﺍﻟﻜﻤﻨﺠﺔ
ﻭﺍﻟﻌﺴﻜﺮﻱ ﺃﺏ ﻃﺒﻨﺠﺔ
ﺃﺣﺐ ﻋﻮﻥ ﺍﻟﺸﺮﻳﻒ ﻗﺎﺳﻢ
ﻭﺑﺪﺭﻱ ﻭﺑﺎﺑﻜﺮ ﻭﻗﺎﺳﻢ
ﺃﺣﺐ ﺍﻟﻐﻨﺎ ﻭﺍﻟﻤﺮﺍﺳﻢ
ﻭﺑﺤﻠﻢ ﺑﺎﻟﺨﻠﻴﻞ ﺑﺎﺳﻢ
ﻭﺃﺣﺐ ﺿﻞ ﺷﺠﺮﺓ ﻭﺍﻗﻊ ﻓﻲ ﺑﻴﺎﺽ
ﺟﻨﺤﻴﻦ ﺣﻤﺎﻣﺔ ﺑﺘﻨﻘﺪ ﺍﻟﺤﺒﺔ
ﺟﻤﺐ ﺳﺤﻠﻴﺔ ﻣﻜﺘﺄﺑﺔ
ﻭﺃﺗﻮﻩ ﻓﻲ ﺑﺤﺮ ﺍﻟﻤﺤﺒﺔ
ﻭﺃﺣﺐ ﺃﻭﻻﺩ ﺃﺑﻮ ﻗﻔﻄﺎﻥ ﻭﻧﺎﺱ ﻗﻄﺎﻥ
ﻭﺍﺑﻮ ﺟﺒﺔ
ﻭﺃﺣﺐ ﻧﺎﺱ ﺧﻮﺟﻠﻲ ﺍﻟﻌﺜﻤﺎﻥ ﺣﺒﺔ.. ﺣﺒﺔ
ﺃﺣﺐ ﺍﻭﻻﺩ ﺍﻟﻘﻤﺎﻳﺮ ﻭﺍﺣﺐ ﺍﺻﺤﺎﺏ
ﺍﻟﻀﻤﺎﻳﺮ
ﻭﺍﻟﺒﻨﺎﺕ ﺃﻡ ﺧﺼﻼ ﻣﺴﺎﻳﺮ
ﺃﺣﺐ ﻛﻞ ﻗﺎﺩﺓ ﺍﻟﻌﺸﺎﻳﺮ
ﻭﺃﻣﻮﺕ ﻓﻲ ﺍﻟﺒﺖ ﺃﻡ ﺿﻔﺎﻳﺮ
ﺃﺣﺐ ﻧﺎﺱ ﺣﻮﺍ ﺍﻟﻄﻘﻄﺎﻗﺔ
ﻭﺃﻣﻮﺕ ﻓﻲ ﻭﺯﺍﺭﺓ ﺍﻟﻄﺎﻗﺔ
ﻭﺍﻟﺒﺎﺳﺒﻮﺭﺕ ﻭﺍﻟﺒﻄﺎﻗﺔ
ﺃﺣﺐ ﺷﻴﺦ ﺍﻟﻤﺮﻏﻨﻴﺔ
ﻭﻣﺎﻣﻮﻥ ﺍﻟﻌﺠﻴﻤﻴﺔ
ﺃﺭﻳﺪ ﻛﻞ ﺍﻻﻓﻨﺪﻳﺔ
ﺣﺘﻰ ﺍﻟﺒﻤﺸﻮ ﻛﺪﺍﺭﻱ
ﻭﺍﻟﻤﺎ ﺻﺮﻓﻮ ﻣﺎﻫﻴﺔ
ﺃﻫﺎ ﻣﺎﻟﻜﻢ.. ﺷﻨﻮ ﻟﻴﻜﻢ
ﺃﺭﻳﺪ ﺍﻟﻮﻳﻜﺔ ﻭﺍﻟﺪﻣﻌﺔ
ﻭﺻﻮﺭﺓ ﺍﻟﻨﻴﻤﺔ ﻓﻲ ﺍﻟﺘﺮﻋﺔ
ﺃﺣﺐ ﻟﻤﺔ ﺳﻮﻕ ﺍﻟﺠﻤﻌﺔ
ﻭﺃﻣﻮﺕ ﺃﻧﺎ ﻓﻲ ﻧﺪﻯ ﺍﻟﻘﻠﻌﺔ
ﺃﺭﻳﺪ ﻣﺤﺠﻮﺏ ﻛﺒﻮﺷﻴﺔ
ﻭﺃﺣﺐ ﺳﻮﻕ ﺍﻟﺤﺮﺍﻣﻴﺔ
ﻭﺃﺣﺐ ﻣﻌﻤﻮﺭﺓ ﻣﻨﺸﻴﺔ
ﻭﺃﺣﺐ ﻋﺎﺷﺔ ﺍﻟﻔﻼﺗﻴﺔ
ﺃﺣﺐ ﺃﻭﻻﺩ ﺣﺎﺝ ﺍﻟﻤﺎﺣﻲ
ﺍﻟﺒﻴﺸﻌﻠﻮ ﻓﺮﺡ ﺍﻟﻀﻮﺍﺣﻲ
ﺍﻟﻠﻲ ﺑﻴﻬﻢ ﻃﺎﺑﺖ ﺟﺮﺍﺣﻲ
ﻭﺍﻟﺒﻮﺍﺻﻠﻮ ﺍﻟﻨﻤﺔ ﺻﺒﺎﺣﻲ
ﻭﺑﺮﺿﻮ ﺑﻌﺸﻖ ﻣﻌﺘﺰ ﺻﺒﺎﺣﻲ
ﺃﺣﺐ ﻧﺎﺩﺭ ﻭﺍﺣﺐ ﺣﻮﺗﺔ
ﻭﺟﻤﺎﻝ ﻓﺮﻓﻮﺭ
ﻭﺑﺮﺿﻮ ﻋﺼﺎﻡ ﻣﺤﻤﺪ ﻧﻮﺭ
ﻭﻛﻞ ﻣﻐﻤﻮﺭ ﻭﻛﻞ ﻣﺸﻬﻮﺭ
ﻭﺃﻏﺎﻧﻲ ﺍﻟﺴﻴﺮﺓ ﻭﺍﻟﻄﻤﺒﻮﺭ
ﺑﺤﺐ ﺃﻧﺎ ﻛﻞ ﺳﻮﺩﺍﻧﻲ
ﻳﺴﺘﺮﻳﺢ ﻓﻲ ﺟﻮﺓ ﻭﺟﺪﺍﻧﻲ
ﺍﻟﻤﺤﺒﺔ ﺍﻟﺪﺍﻳﻤﺔ ﻋﻨﻮﺍﻧﻲ
ﻭﺍﻟﺒﺮﻳﺪ ﻓﻲ ﺍﻟﻌﺎﻟﻢ ﺍﻟﺘﺎﻧﻲ
ﺃﺣﺐ ﻗﺪﺍﻝ.. ﺍﺣﺐ ﺣﻤﻴﺪ
ﻭﻛﻞ ﺍﻟﺸﻌﺮﺍﺀ .. ﺣﺘﻰ ﺍﻟﻄﻴﻒ
ﻭﻣﺤﺠﻮﺏ ﺍﻟﻜﻼﻣﻮ ﺷﺮﻳﻒ
ﺍﺭﻗﻰ ﺷﺎﻋﺮ ﻭﺍﺟﻤﻞ ﻇﺮﻳﻒ
ﻟﻮ ﺑﻘﺮﺓ ﻋﺘﺮﺕ ﻳﻮﻡ ﻓﻲ ﺍﻟﺠﺮﻳﻒ
ﻫﻮ ﺍﻟﺒﺴﺎﻫﺮ ﺣﺪ ﺍﻟﻨﺰﻳﻒ
ﺃﻧﺎ ﺑﺤﺐ ﻧﺎﺱ ﺑﻴﺖ ﺍﻻﻣﺎﻧﺔ
ﻭﻧﺎﺱ ﻋﻠﻲ ﺍﺑﻮ ﺭﺍﺱ ﺍﻟﻔﻲ ﺍﻟﺴﺠﺎﻧﺔ
ﻟﻮ ﻣﺮﺓ ﺟﺎﺕ ﻋﺼﻔﻮﺭﺓ ﺯﻫﺠﺎﻧﺔ
ﻳﻌﺰﻣﻮﻫﺎ ﻏﺪﺍ ﻭﺑﺮﺗﻜﺎﻧﺔ
ﻭﺗﺎﻧﻲ ﺗﺮﺟﻊ.. ﺗﺼﺪﺡ ﻣﻌﺎﻧﺎ
ﺃﻧﺎ ﺑﺤﺐ ﺍﻫﻠﻲ ﺍﻟﻔﻲ ﺍﻟﺪﻳﻮﻡ
ﺍﻟﺒﺸﻮﻓﻮ ﺍﻟﺪﻧﻴﺎ ﺑﺎﻟﻴﻮﻡ
ﻫﻢ ﺭﺟﺎﻝ ﺍﻟﺘﻘﻮﻯ ﻭﺍﻟﺼﻮﻡ
ﻭﻫﻢ ﻗﻴﺎﻣﺘﻨﺎ ﺍﻟـ ﺡ... ﺗﻘﻮﻡ
ﺑﺤﺐ ﻣﺠﺎﻥ
ﺍﺣﺐ ﻟﻠﻪ .. ﺑﺪﻭﻥ ﺍﻟﻜﺒﺮﻳﺎﺀ ﻭﺍﻟﺠﺎﻩ
ﻭﺍﺣﺐ ﺍﻟﻠﻪ..
ﻭﺃﺣﺐ ﻛﻞ ﺍﻟﺒﺤﺐ ﺍﻟﻠﻪ
ﻭﺍﺣﺐ ﺷﻜﺮ ﺍﻟﻠﻪ ﺧﻠﻒ ﺍﻟﻠﻪ..
ﻭﺧﻠﻴﻔﺔ ﻭﻟﺪ ﺣﺴﻦ ﺑﻠﻪ
ﻭﻟﺤﺪﺕ ﺣﻤﺰﺓ ﻋﻮﺽ ﺍﻟﻠﻪ
ﺃﺣﺐ ﺍﻟﻬﻴﻼﻫﻮﺏ .. ﻭﺗﻴﺮﺍﺏ
ﻭﻛﻞ ﺍﻟﺸﻌﺮﺍﺀ ﻭﺍﻟﻜﺘﺎﺏ
ﺩﻛﺘﻮﺭ ﻣﺮﺗﻀﻰ ﺍﻟﻐﺎﻟﻲ
ﺍﻻﺩﻳﺐ ﺍﻟﺸﺎﺏ
ﻭﻋﺜﻤﺎﻥ ﻣﻴﺮﻏﻨﻲ ﺍﻟﻜﺘﺎﺏ
ﺍﻟﺒﻮﻧﻲ ﻭﺯﻫﻴﺮ ﻭﺣﺴﻴﻦ
ﻭﺣﺎﺝ ﻭﺭﺍﻕ
ﻭﺣﺘﻰ ﺍﻟﺒﺪﻋﻮ ﻟﻼﺭﻫﺎﺏ
ﻭﺃﺣﺐ ﺍﻟﻜﻮﺭﺓ ﺟﻨﺪﻱ ﻧﻤﻴﺮﻱ
ﻭﻫﻴﺜﻢ ﻣﺼﻄﻔﻰ ﺍﻟﻠﻌﺎﺏ
ﺃﺣﺐ ﻧﻘﺪ.. ﻭﻋﻠﻲ ﻋﺜﻤﺎﻥ
ﻭﺍﻟﻤﺴﺠﻮﻥ ﻭﺍﻟﺴﺠﺎﻥ
ﻭﺍﺣﺐ ﻣﺤﻤﻮﺩ ﻣﺤﻤﺪ ﻃﻪ ـ
ﻭﺍﻟﺤﺮﻳﺔ ﻭﺍﻟﻼ ﺧﻮﻑ ﻣﻦ ﺍﻻﺣﺰﺍﻥ
ﻭﺍﺣﺐ ﺍﻟﺤﺎﺝ ﻋﻄﺎ ﺍﻟﻤﻨﺎﻥ
ﻭﺍﻟﺸﻴﻮﻋﻴﺔ ﻭﺍﻟﻜﻴﺰﺍﻥ
ﻣﺎﺩﺍﻡ ﻛﻠﻮ ﻓﻲ ﺍﻟﺴﻮﺩﺍﻥ
ﺍﻫﺎ ﻣﺎﻟﻜﻢ.. ﺷﻨﻮ ﻟﻴﻜﻢ؟
ﺃﺣﺐ ﺍﻟﻄﺮﻕ ﺍﻟﺼﻮﻓﻴﺔ
ﻭﺍﺣﺐ ﻧﺎﺱ ﺷﻴﺦ ﺍﻟﻬﺪﻳﺔ
ﻭﺍﺣﺰﺍﺑﻨﺎ ﺍﻟﻴﺴﺎﺭﻳﺔ ﻭﺍﺣﺰﺍﺑﻨﺎ ﺍﻟﻴﻤﻴﻨﻴﺔ
ﻭﺳﺠﺎﺩﺓ ﺍﻟﻤﻜﺎﺷﻔﻴﺔ
ﺍﻫﺎ ﻣﺎﻟﻜﻢ.. ﺷﻨﻮ ﻟﻴﻜﻢ؟
ﺑﺤﺐ ﺩﻳﻼ ﻭﺑﺤﺐ ﺩﻳﻼﻙ
ﻣﻨﻮ ﺍﻟﺒﻘﺪﺭ/ ﻳﻤﻨﻊ ﻗﻠﺒﻲ ﺑﻲ ﻗﺎﻧﻮﻥ
ﻣﻦ ﺣﺐ ﻣﺎﻓﻲ ﻣﻨﻮ ﻓﻜﺎﻙ
ﻭﺷﻨﻮ ﻟﻴﻜﻢ؟ ﺑﺤﺐ ﻣﺘﻤﺮﺩﻱ ﺩﺍﺭﻓﻮﺭ
ﻭﺣﻜﺎﻳﺎﺗﻢ
ﻭﺍﺣﺐ ﺍﻟﺠﻨﺠﻮﻳﺪ ﺫﺍﺗﻢ
ﺍﻫﺎ ﻣﺎﻟﻜﻢ؟ ﺷﻨﻮ ﻟﻴﻜﻢ؟
ﺃﺣﺐ ﺑﺎﻗﺎﻥ ﻭﺍﺩﻭﺍﺭﺩ ﻟﻴﻨﻮ
ﻭﺍﻟﺸﻬﺪﺍﺀ ﻣﻦ ﺍﻟﻄﺮﻓﻴﻦ
ﺍﺣﺐ ﺍﻟﻤﺎﺗﻮ ﺩﺑﺎﺑﻴﻦ
ﻋﻠﻲ ﺍﻟﻔﺘﺎﺡ ﻭﻃﻪ ﺍﻟﻤﺎﺣﻲ ﻭﺍﻟﺒﺎﻗﻴﻦ
ﺍﻫﺎ ﻣﺎﻟﻜﻢ.. ﺷﻨﻮ ﻟﻴﻜﻢ؟
ﺃﺣﺐ ﻋﺒﺪ ﺍﻟﻌﺰﻳﺰ ﺧﺎﻟﺪ
ﻭﺍﻟﺪﻛﺘﻮﺭ ﻣﻨﺼﻮﺭ ﺧﺎﻟﺪ
ﻭﺍﻟﺪﻛﺘﻮﺭ ﻋﻤﺮ ﺧﺎﻟﺪ
ﺍﺣﺐ ﻓﺎﻃﻤﺔ ﻭﺭﺑﻴﻜﺎ ﻛﻤﺎﻥ
ﻛﺤﺐ ﺍﻟﻮﺍﻟﺪﺓ ﻭﺍﻟﻮﺍﻟﺪ
ﺍﻫﺎ ﻣﺎﻟﻜﻢ؟ ﺷﻨﻮ ﻟﻴﻜﻢ؟
ﺍﺣﺐ ﺍﻟﺸﻮﺵ
ﻭﻓﻴﻠﻴﺐ ﻏﺒﻮﺵ
ﻭﻋﺒﺪ ﺍﻟﻨﺎﺻﺮ ﺍﻟﻄﺎﺋﻒ
ﻛﻤﺎﻥ ﺑﺎﻟﺬﺍﺕ
ﻣﺤﻤﺪ ﻭﺩ ﻧﻌﻴﻢ ﺳﻌﺪ ﺍﻟﺤﻠﻮ ﺍﻟﺒﺴﻤﺎﺕ
ﻭﻓﺎﻳﺰﺓ ﺍﺧﺘﻨﺎ ﺑﺖ ﻋﻤﺴﻴﺐ
ﻓﻲ ﻋﻴﻨﻲ ﻟﺴﻪ ﺷﺒﺎﺏ ﻭﻟﺴﻪ ﺑﻨﺎﺕ
ﻭﺃﺣﺐ ﺷﻤﺒﺎﺕ
ﻭﻣﺒﺎﺭﻙ ﺣﺴﻦ ﺑﺮﻛﺎﺕ
ﺍﺣﺐ ﺍﻻﺏ ﻓﻴﻠﻮ ﺛﺎﻭﺱ
ﻭﻛﻞ ﺟﻨﻮﺩﻧﺎ ﺍﻻﺷﺎﻭﺱ
ﻭﺍﻟﺠﺎﻣﻊ ﻭﺍﻟﻜﻨﻴﺴﺔ.. ﻭﺍﺣﺐ ﻋﻠﻮﻳﺔ
ﻭﺧﻤﻴﺴﺔ
ﺍﺣﺐ ﺩﻛﺘﻮﺭ ﻣﻬﻨﺪﺱ ﺑﺮﻭﻓﺴﻴﺮ
ﻋﺒﺪ ﺍﻟﻤﻨﻌﻢ ﻋﻄﻴﺔ
ﺻﺤﻲ ﻣﺎ ﺷﻔﺘﻮ ﻗﺒﺎﻝ ﺩﺍ
ﻭﻻ ﻻﻗﺘﻨﻲ ﻛﻮﺭﺳﺎﺗﻮ ﺍﻟﻤﻜﺜﻔﺔ ﺑﺎﻻﻟﻤﺎﻧﻴﺔ
ﺑﺲ ﻋﺎﺟﺒﻨﻲ ﺍﺳﻤﻮ ﺷﺪﻳﺪ
ﻭﺑﻜﻮﻥ ﺯﻭﻝ ﻋﻨﺪﻭ ﺷﺨﺼﻴﺔ
ﺑﻬﺬﺍ ﺍﻋﻠﻦ ﺍﻟﺤﺐ ﺍﻟﻜﺒﻴﺮ
ﺑﺪﻭﻥ ﻓﺘﺮﺓ ﺍﻧﺘﻘﺎﻟﻴﺔ
ﻣﺤﺒﺔ ﺍﻛﻴﺪﺓ ﺩﺍﻳﻤﺔ ﻛﻤﺎﻥ
ﻣﺤﺒﺔ ﻭﻃﺎﻗﺔ ﺍﺯﻟﻴﺔ
ﻭﺍﺩﻋﻮﻛﻢ ﺟﻤﻴﻌﺎً ﻟﻠﻤﺤﺒﺔ ﺑﺼﻮﺭﺓ ﺭﺳﻤﻴﺔ
ﺑﺪﻭﻥ ﻗﺎﻧﻮﻥ.. ﻭﺃﻱ ﻇﻨﻮﻥ
ﻭﺍﻓﻜﺎﺭ ﻓﺎﺭﻏﺔ ﺯﻱ ﺩﻱ
ﻣﺘﻴﻦ ﻳﻜﺒﺮ ﻣﻌﺎﻧﺎ ﺍﻟﺤﺐ؟
ﻭﻳﺼﺒﺢ ﺣﺎﺟﺔ ﻋﺎﺩﻳﺔ؟
ﻣﺘﻴﻦ ﻧﻌﺮﻑ ﻧﺤﺐ ﺍﻟﻨﺎﺱ
ﻭﻧﻤﺴﺢ ﻣﺎﺿﻲ ﺍﻻﺯﻳﺔ؟؟
ﻣﺘﻴﻦ ﻧﻌﺮﻑ ﻧﻌﻴﺶ ﺍﻟﺤﺐ
ﺑﺪﻭﻥ ﺍﺩﻧﻰ ﺍﻧﺘﻬﺎﺯﻳﺔ؟
ﻣﺘﻴﻦ ﺡ ﺗﺸﻴﻠﻨﻲ ﻓﻲ ﻋﻴﻮﻧﻚ
ﻭﺍﺷﻴﻠﻚ ﺟﻮﺓ ﻋﻴﻨﻲ؟
